எமது பாடசாலையின் கல்வி பயிலும் மாணவர்களில் நெருக்கடியான பொருளாதார நிலையில், இம் முடக்க காலத்தில் தங்களை நிலைநிறுத்திக்கொள்ள தடுமாறும் குடும்பப் பின்னணியைக் கொண்டவர்களுக்கான உதவித்தொகை ஒன்றை வழங்கும் செயற்திட்டம் எமது சங்கத்தினரால் ஆரம்பிக்கப்பட்டுள்ளது. பழைய மாணவர்கள் சிலரது பங்களிப்புடன் திரட்டப்பெற்ற உதவுதொகையானது பொருத்தமான பொறிமுறைகள் ஊடாக வகைப்படுத்தி, தீர்மானிக்கப்பட்டு 31 மாணவர்களது குடும்பத்தினருக்கு எமது நிர்வாகத்தினரால் 10.09.2021 வெள்ளிக்கிழமை வழங்கிவைக்கப்பெற்றது.

இரண்டம் கட்டமாக இதுவரை மொத்தமாக 52 மாணவர்களுக்கு வழங்கிவைக்கப்பட்டுள்ளது. மேலும் தரவுகள் கிடைப்பின் பணி தொடரும்.

கிடைக்கப்பெறும் தரவுகள் மற்றும் உதவு தொகை என்பவற்றின் அடிப்படையில் இப்பணியானது தொடர்ச்சியாக இடம்பெற ஏற்பாடாகியுள்ளது. இக் கைங்கரியத்தில் ஈடுபட விரும்பும் பழைய மாணவர்கள் எமது சங்கத்தினருடன் தொடர்புகொள்ளும் வண்ணம் அன்புடன் வேண்டப்படுகின்றீர்கள்.

குறிப்பு – இவ் விடயப் பகிர்வானது எமது செயற்பாட்டை விளம்பரப்படுத்துவதற்காக அன்றி இக் கைங்கரியத்தில் அனைவரும் கைகோர்க்க வேண்டும் என்ற காரணத்திற்காக மாத்திரமே வெளியிடப்படுகின்றது.

இப் பணியில் கல்லூரியுடன் கரம் கோர்த்த எமது பழைய மாணவர்களுக்கு நன்றிகள். இதனை சரியான முறையில் நடைமுறைப்படுத்திய அதிபர், ஆசிரியர்களுக்கு நன்றிகள்.